អគារ១៣៣ជាន់នៅភ្នំពេញ

គម្រោង​អគារ​កម្ពស់​ ១៣៣ ​ជាន់​នៅ​តែ​បន្ត

ប្រភព៖ភ្នំពេញប៉ុស្តិ៍

ថ្ងៃទី២០ ខែមិថុនា ឆ្នាំ២០១៦ 

ក្រុមហ៊ុន​អភិវឌ្ឍន៍​អគារ​កប់​ពពក​ដែល​វិនិយោគ​ដោយ​ក្រុមហ៊ុន ថៃប៊ុនរ៉ុង នឹងនៅ​តែ​បន្ត​ការងារ​អភិវឌ្ឍន៍​របស់​​ខ្លួន​ខណៈ​លោក ថេង ប៊ុនម៉ា ប្រធាន​​ក្រុមហ៊ុន ថៃ ប៊ុនរ៉ុង (Thai Boon Roong Co. Ltd) និង​ជា​អ្នក​មាន​បំផុត​មួយ​រូប​នៅ​ប្រទេស​កម្ពុជា​បាន​ទទួល​មរណភាព​កាលពី​ថ្ងៃ​សុក្រ​​ក្នុង​ជន្មាយុ​ ៧៥ ​ឆ្នាំ។

មហាសេដ្ឋី​រូប​នេះ​បាន​​ជម្នះ​នឹង​​​​ជំងឺ​ទឹកនោមផ្អែម​ និង​សម្ពាធ​ឈាម​ខ្ពស់​អស់​រយៈពេល​ជាយូរ​មក​ហើយ​។

មហាសេដ្ឋី​ដែល​មាន​ទំនាក់ទនង​ផ្នែក​នយោបាយ​រូប​នេះ​​ត្រូវ​បាន​គេ​រាយការណ៍​នៅ​ក្នុង​ប្រព័ន្ធ​ផ្សព្វផ្សាយ​​​កាលពី​​ខែ​កុម្ភៈ​ថា​ ​ក្រុមហ៊ុន​របស់​លោក​នឹង​សាងសង់​អគារ​ភ្លោះ​ដ៏ធំ​សម្បើម​កម្ពស់​ ១៣៣ ​ជាន់​នៅ​លើ​ដី​អតីត​ទីតាំង​សួន​កម្សាន្ត​ ឌ្រីមលែនដ៍ ​ទល់​មុខ​កាស៊ីណូ​ណាហ្គាវើល​។

 

 លោកស្រី ឡុក លីនដា ប្រធាន​ផ្នែក​ទំនាក់​ទំនង​​ក្រុមហ៊ុន​ជាន់​ខ្ពស់​នៅ​ក្រុមហ៊ុន​ Hsin Chong Construction Group Ltd ​មាន​មូលដ្ឋាន​នៅ​ទីក្រុង​ហុងកុង​ត្រូវ​បាន​​តែងតាំង​ជា​​ប្រធាន​សំណង់​​សម្រាប់​ការ​អភិវឌ្ឍ​​​បានថ្លែង​កាលពី​ម្សិលមិញ​ថា​ក្រុមហ៊ុន​​លោកស្រី​នឹង​​បន្ត​ធ្វើ​ការងារ​យ៉ាង​ជិតស្និទ្ធ​ជាមួយ​ក្រុមហ៊ុន​អភិវឌ្ឍន៍៕